For å oppnå ei god folkehelse, er det viktig å sikre eit godt kosthald i befolkninga. Ein føresetnad er då å sørge for god ernæringskompetanse. Ernæring og kosthald er eit viktig og aktuelt fagfelt, i eit samfunn med stor grad av ulike helseutfordringar som er ernæringsrelaterte. Studiet passar for deg som er oppteken av korleis kosthald påverkar helse, og er særleg relevant for: 

• Dei som ynskjer ein introduksjon til ernæring og helse før vidare studiar. 
• Fagpersonar i ulike yrkesretningar der ernæring og helse er relevant, som til dømes innan skule- og barnehagesektor, helse- og omsorg, eller andre yrker innan folkehelse. 
• Personar med interesse for ernæring og helse. 

Innhald 

• Studiet Ernæring og helse gir ei grunnleggande innføring innan ernæringslære, og du vil lære kva kosthald som fremjar god helse og som førebyggjer ulike livsstilssjukdommar. Gjennom studiet vil det vere særleg fokus på følgande tema: 
• Grunnleggande ernæringslære - Funksjon, omsetnad, behov og utnytting av næringsstoff. 
• Nasjonale anbefalingar for kosthald og ernæring. 
• Ernæring i eit berekraftig perspektiv. 
• Ernæringsrelaterte sjukdommar og førebygging av desse. 
• Ernæring og kosthald i ulike grupper, som gravide, ammande, barn og unge, eldre og grupper med ulike allergiar og intoleransar. 
• Kosthald i befolkninga i Norge – status, utvikling og trendar.