Sindre Sandbakk

Eg arbeider som rådgjevar for digital læring ved Høgskulen i Volda, med særleg ansvar for utvikling og drift av Læringsverkstaden. Her støttar vi tilsette og studentar i å utvikle profesjonsfagleg digital kompetanse og ta i bruk gode, digitale arbeids- og læringsformer.

Eg tilbyr rettleiing, opplæring og kurs i ei rekkje digitale verktøy og tenester, mellom anna Canvas, Panopto, Mentimeter, WiseFlow, Microsoft 365-verktøy, Google-verktøy, FeedbackFruits, kunstig intelligens, Autotekst og Nettskjema. Eg støttar også tilsette med å planleggje og gjennomføre undervisningsopplegg der digitale verktøy spelar ei sentral rolle.

Som leiar for Læringsverkstaden har eg ansvar for dagleg drift og oppfølging av studentmedarbeidarane våre. Eg utviklar faglege aktivitetar, digitale og fysiske kurs, og bidreg til prosjekt innan studentaktiv læring, digital didaktikk og framtidsretta læringsareal. I tillegg har eg ansvar for utlån av digitalt utstyr gjennom Cheqroom, samt administrasjon og flåtestyring av iPadar i Jamf. 

Eg arbeider også med ei brei portefølje av digitale teknologiar, som VR/AR, podcast, video- og lydteknikk, nettsider og bloggar, spel og gameification, digital forteljing, kunstig intelligens, programmering og 3D-printing.

Avtal eit møte med meg