Visuell kommunikasjon

Arbeids- og undervisningsformene i studiet er ein kombinasjon av førelesing, bruk av digitale formidlings- og læringsressursar og praktisk og teoretisk oppgåveløysing. Undervisninga vert organisert individuelt og i grupper, og arbeidet kan vere både lærar- og studentstyrt.     

Studentar får prosessevalueringar i arbeidsøktene og i framleggingssituasjonar. Studentar som er borte frå undervisninga har sjølve ansvar for å orientere seg om det som gjekk føre seg i deira fråvær. 

Anna som vedkjem gjennomføringa av emnet: Det vert forventa at studenten har elementær datakunnskap. Studenten må ha ei datamaskin som fint kan handtere programvare frå Creative Cloud.

Enkelte førelesingar kan bli gjennomført på engelsk.

Visuell kommunikasjon er eit obligatorisk emne i studieprogrammet Bachelor i design, kunst og handverk.

Om du ønskjer å søkje opptak til denne graden vil emnet bli godskrive.

Studiet er eit enkeltemne på 15 stp. og ein må rekne med to undervisningsdagar i veka på det jamne.

Oppstart hausten 2024 er tysdag 20. august. Undervisninga startar opp samme veka. Meir informasjon kjem nærmare sommaren.

Pensumlister blir publisert på heimesida og i Canvas før studiestart.