Vidareutdanning (bachelornivå)
Musikk, opne emne
Deltid, Heiltid
Vil du lære deg å spele eit musikkinstrument eller å synge, utøve musikk saman med andre, lage og arrangere musikk, eller å lære meir om musikken og teoriane bak? Då kan du velje eit eller fleire av desse opne emna.
Studieprogrammet rettar seg mot utøvande og pedagogisk verksemd innanfor ulike yrkesretningar, til dømes grunnskulen, kulturskulen og det frie kulturlivet.
Søknadskode : 4600
Info og frister
Varigheit 1 semester
Studiepoeng 15
Start Haust Vår
Studieinnhald
Valbare emne hausten 2018:
- Inn i musikken 1 (15 stp)
- Musikk i barneskulen (15 stp)
- Musikk og livshandtering 1 (15 stp)
- Musikkteknologi 1 (15 stp)
Studiet skal mellom anna gi deg kunnskap om sentrale metodar innanfor musikkteori, musikkutøving og musikkteknologi. Du skal utøve musikk, komponere og improvisere musikk og lage musikkproduksjonar, samt lære om lydproduksjon og lydredigering.
Opptakskrav
Generell studiekompetanse
Undervisningsmåtar og vurderingsordningar
Undervisninga er organisert i førelesingar, gruppearbeid, dialog/samtale, utøving av musikk, individuelt og i grupper og individuelt arbeid.
Aktuelle yrke og vidare studium
Emna kan godskrivast som del av årsstudium og bachelor i Musikk. Dei kan også godskrivast i valfri del i andre bachelorgradar ved Høgskulen i Volda.
Kontakt
For spørsmål om opptak:
Studentsørvis, tlf. 70 07 50 18
eller e-post
For faglege spørsmål: Øystein Salhus
Studieplan
Musikk, opne emne (vår)
Musikk opne emne (vår) inneheld dei fire valemna MUS 103 Inn i musikken 2 og MUS 104 Musikk for barn og unge 2.
Desse to 15 st.p. emna gjev grunnlag for vidare studium i musikk. Dei kan inngå i bachelor i musikk, og kan inngå som valfri del i andre bachelorgradar. MUS 103 og MUS 104 er også to av fire emne (MUS 101, MUS102, MUS 103 og MUS 104) som til saman utgjer årsstudium i musikk.
Musikk, opne emne rettar seg inn mot utøvande og pedagogisk verksemd innanfor eit variert spekter av arbeidsplassar i samfunnet, t.d. grunnskulen, kulturskulen, og andre samfunnsinstitusjonar, det frie kulturliv og privat næring.
- MUS103 Inn i musikken 2 gjev eit fagleg grunnlag i disiplinane musikkteori, arrangering, høyrelære, musikkorientering og utøving. Med til dette emnet høyrer også det å synge i kor/spele i orkester. (Sjå emneplan for nærare info)
- MUS104 Musikk for barn og unge 2 gir fagleg og didaktisk kompetanse for arbeid med musikk med barn i aldresgruppa 6- 12 år. Det vert fokusert på følgjande hovudområde: musikkutøving, komponering, lytting og didaktisk refleksjon. (Sjå emneplan for nærare info)
Studenten skal få innføring i og tileigne seg kompetanse innan sentrale metodar og kunnskapsområde i musikk som:
musikkteori, musikkutøving, musikkens innverknad på menneske og musikkproduksjon og metodar innan musikkteknologi slik at ein kan bruke denne kunnskapen i samfunnsutviklande arbeid i skule, kulturskule, helsevesen, det frie kulturliv og privat næring.
I samsvar med det nasjonale kvalifikasjonsrammeverket har studenten følgjande læringsutbytte etter fullført studieprogram:
Studenten:
- har kunnskap om sentrale metodar innan musikkteori, musikkteknologi og musikkutøving
- har kunnskap om musikkens innverknad på mennesket og korleis ein kan bruke musikk som reiskap for emosjonell, intellektuell, sosial og kunstnarleg utvikling
- har kunnskap om musikk som samfunnsfenomen
- har kunnskap om musikk og helse
Studenten:
- har erfaring med utøving og tilrettelegging av musikk og har teoretisk kunnskap til bruk i samfunnsutviklande arbeid i skule, kulturskule, helsevesen, det frie kulturliv og privat næring.
- kan legge tilrette for utøving og bruk av musikk for ulike aldersgrupper.
Studenten:
- kan bruke kunnskapar frå emna på ein sjølvstendig og reflektert måte og i eit samarbeid med andre
- kan reflekter over kunnskapen og eigen praksis på ein kritisk måte i yrkessamanheng.
- Førelesingar
- Dialog gjennom samtale/refleksjon
- Gruppearbeid
- Utøving av musikk, individuelt og i grupper
- Individuelt arbeid
| Emne | 2020 Vår |
|---|---|
Valbare emner vår 2020 | 15 |
| 15 | |
MUS104 Musikk for barn og unge 2 | |
| Sum | 15 |