Vidareutdanning (bachelornivå)
Miljøterapi i demensomsorga
Deltid, Samlingar
Omsorgstenestene står i dag ovanfor store utfordringar for å legge til rette for eit meiningsfullt og aktivt liv for personar med demens og deira pårørande.
Vidareutdanninga rettar seg mot sjukepleiarar, hjelpepleiarar, omsorgsarbeidarar, fagarbeidarar, sosialarbeidarar, vernepleiarar og andre som arbeider i omsorgstenestene.
Ein kan søkje kommunen om støtte til studieavgift (15 000,-) og andre utgifter. Kommunen kan få dekka utgiftene etter søknad hos Fylkesmannen (Kompetanseløftet 2020).
Søknadskode : 4089
Info og frister
Varigheit 2 semester (1 år)
Studiepoeng 15
Start Haust
Studieinnhald
Studentane skal få kompetanse til å møte ulike utfordringar ved kognitiv svikt i demensomsorga. Dei skal få kunnskap om personsentrert omsorg og ferdigheiter til å kunne planlegge, iverksette og evaluere relevante miljøtiltak individuelt og i grupper. Samarbeid med pårørande og refleksjon over kva som er god omsorg er ein viktig del av studiet.
Aktuelle tema er demens og kognitiv svikt, nasjonale føringar i fagfeltet, personsentrert omsorg, kommunikasjon og samhandling, pårørandeperspektivet og velferdsteknologi.
Opptakskrav
Generell studiekompetanse eller tilsvarande. Du kan også søke om opptak med grunnlag i realkompetanse.
Undervisningsmåtar og vurderingsordningar
Studiet er samlingsbasert med to samlingar om hausten og to samlingar om våren. Kvar samling er på tre dagar. Undervisninga er organisert i førelesningar, praktiske øvingar, prosjektarbeid, framføring, rettleiing og sjølvstudium.
Studentane som kjem frå same arbeidsplass dannar læringsgrupper som skal møtast mellom samlingane. Dei får tilgang til eige elektronisk klasserom (Canvas), der m.a. program for samlingane, førelesningar og studiearbeid blir tilgjengeleg.
Aktuelle yrke og vidare studium
Vidareutdanninga gir etterspurd kompetanse til ulike yrkesgrupper innanfor omsorgstenestene, som arbeider for å legge til rette for personar som bur heime, dei som har eit aktivitetstilbod på dagtid eller bur på institusjon.
Kontakt
For spørsmål om opptak:
Studentsørvis, tlf. 70 07 50 18 eller e-post
Faglege spørsmål: Høgskulelektor Eli Fjeldseth Røys | 95213301
Kontaktperson: Studiekoordinator Ragnhild Korsbrekke
Studieplan
Miljøterapi i demensomsorga
Studiet skal vere med å styrkje den pedagogiske og kommunikative kompetansen til personar som arbeider i demensomsorga. Målet er å legge tilrette for miljøtiltak i ein personsentrert omsorgspraksis. Målgruppa for studiet er helse- , omsorg- og sosialarbeidarar som arbeider i heimebaserte tenester, på dagaktivitetstilbod og institusjon.
Eit meir demensvenleg samfunn er målet i Demensplan 2020. På grunn av auka levealder og endra alderssamansetting, vil truleg talet på personar med demens verte dobla dei næraste 30-40 åra. Det vil vere trong for ulik type tenester i heimane, på dagsenter og i sjukeheimane, og yrkesutøvarane treng kompetanse i personsentert omsorg spesielt. Når ein skal spele på lag med pårørande vil også den kunnskapen kome godt med. Refleksjon over kva som er god omsorg i møte med sårbare grupper er sentralt.
- Du kan søkje kommunen om støtte til studieavgift og andre utgifter. Kommunen kan få dekka utgiftene hos Fylkesmannen (kompetanseløftet 2020) etter søknad.
I samsvar med det nasjonale kvalifikasjonsrammeverket skal studenten ha følgjande læringsutbytte etter fullført emne:
Etter fullført emne skal studenten ha kunnskap om::
- kognitiv svikt og demens
- personsentrert omsorgspraksis og miljøbehandling
- realitetsorientering, validering og erindringsarbeid
- forskings- og utviklingsarbeid innan fagfeltet
Etter fullført emne skal studenten kunne:
- observere og kartlegge brukarane sine ressursar
- planlegge og gjennomføre miljøtiltak individuelt og i gruppe
- evaluere miljøtiltak
Etter fullført emne skal studenten kunne:
- handtere etiske utfordringar rundt tillitsskapande tiltak
- identifisere sårbare situasjonar
- reflektere over kva som er god demensomsorg
- planlegge og delta i helsefremjande arbeid retta mot brukarar og pårørande
Studiet er organisert med 2 samlingar om hausten 2020 og 2 samlingar om våren 2021, kvar samling på 3 dagar. Undervisninga vil ha ulike former som førelesingar, praktiske øvingar, prosjektarbeid, framføring, rettleiing og sjølvstudium. Studentane som kjem frå same arbeidsplass dannar læringsgrupper som skal møtast mellom samlingane. Studentane får tilgang til eit eige elektronisk klasserom (Canvas), der m.a. program for samlingane, førelesingar og studentarbeid blir tilgjengeleg.
Det er obligatorisk frammøte (dvs. krav om 80% frammøte). Sjå Forskrift om opptak, studium og eksamen ved Høgskulen i Volda.
Høgskulen sender karakterutskrift automatisk når emnet er fullført.
| Emne | 2020 Haust | 2021 Vår |
|---|---|---|
| 7.5 | 7.5 | |
| Sum | 7.5 | 7.5 |
Studieavgift kr. 15 000
(kommunane kan søke om kompetansemidlar frå Fylkesmannen til å dekke studieavgifta m.a.)