Vidareutdanning (bachelornivå)
Matematikk 1 for 5.–10. årssteg
Deltid, Nettstudium, Samlingar
Praktisk informasjon
Samlingar haust 2019:
3. til 4. september og 22. til 23. oktober
Samlingar vår 2020:
14. til 15. januar og 24. til 25. mars
SAMLINGAR I VOLDA
Desse samlingane er det obligatorisk oppmøte på. Samlingane startar normalt om lag kl.12.00 første dag av samlinga og sluttar normalt omlag kl.15.00 andre dag av samlinga. Endringar vil kunne førekome. Detaljert oversikt over tidspunkt vil gå fram av semesterplanen som er klar ved semesterstart.
NETTUNDERVISNING
I tillegg vert det dei fleste vekene lagt ut nettleksjonar i Canvas, som er ein kombinasjon av videoforelesing, arbeid med oppgåver, lesing av pensum med meir. Det kan også verte innslag av live-undervising via Internett, men denne vil ikkje vere obligatorisk frammøte på, og vil også verte gjort tilgjengeleg i etterkant.
Undervisningsstad
Høgskulen i Volda
Matematikkfaget har i dag høg politisk prioritet. Lærarar som tek vidareutdanning i matematikk er difor etterspurde i skulen. Ved Høgskulen i Volda kan du utvide kompetansen din i dette faget ved å ta deltidsstudium som er spesielt tilrettelagde for yrkesaktive. Studiet har ein kombinasjon av nettundervisning og samlingar. Avgift på kr 8000 (kr 4000 pr. emne) + semesteravgift.
Søknadskode : 4056
Info og frister
Varigheit 2 semester (1 år)
Studiepoeng 30
Start Haust Vår
Søknadsfrist Løpande opptak
Studieinnhald
Gjennom studiet får du eit didaktisk og fagleg grunnlag for å kunne planleggje, organisere, tilpasse, gjennomføre og evaluere ulike læreprosessar i matematikk for elevar på 5.-10. årssteg. Du skal få kompetanse til å undervise matematikk i dagens skule, samstundes som du skal kunne vere med å utvikle og forme matematikkfaget i framtida. Faglege tema i studiet er mellom anna tallære, algebra, statistikk, sannsyn, kombinatorikk, geometri, måling og funksjonslære. Didaktiske tema er mellom anna læringsteoriar i matematikk, arbeidsmåtar og metodar i klasserommet, matematikkvanskar, vurdering og bruk av IKT i matematikk som Geogebra og rekneark.
Opptakskrav
Lærarutdanning (allmennlærar, førskulelærar, faglærar eller PPU)
Undervisningsmåtar og vurderingsordningar
Studiet er nettbasert med to obligatoriske samlingar i Volda kvart semester.
Nettleksjonar vert normalt lagt ut i Canvas og Adobe Connect vert nytta til eventuelle nettsamlingar. Studenten må ha tilgang til datamaskin med internett (av god kvalitet), nødvendig programvare og utstyr som webkamera, headset og mikrofon. Begge emna i studiet har arbeidskrav som må vere godkjende for å kunne gå opp til eksamen.
Aktuelle yrke og vidare studium
Vidareutdanninga svarar til første halvdel av årseininga i matematikk i grunnskulelærarutdanninga for 5.-10. årssteg. Temavalet er gjort for å gi kompetanse til å undervise matematikk på mellomsteget og ungdomssteget. Studiet dannar grunnlag for opptak på Matematikk 2 for 5.-10. årssteg.
Kontakt
For faglege spørsmål:
Arve Fiskerstrand
Studieplan
Matematikk 1 (5-10) - Vidareutdanning for lærarar (Nettbasert)
Studiet er eit vidareutdanningstilbod til lærarar som har lite eller ingen matematikk i si tidlegare utdanning, og tilsvarar Matematikk 1 i grunnskulelærarutdanninga for 5.–10. klassesteget.
Gjennom studiet skal studenten tileigne seg eit didaktisk og fagleg grunnlag for å kunne planleggje, organisere, tilpasse, gjennomføre og evaluere ulike læreprosessar i matematikk for elevar på 5.-10. steg. Studenten skal få kompetanse til å undervise matematikk i dagens skule, samstundes som han skal kunne vere med å utvikle og forme matematikkfaget i framtida.
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
Studenten
- har undervisningskunnskap i matematikken elevane arbeider med på 5.-10. steg
- har kunnskap i relevante matematikkfaglege tema og kan knyte denne kunnskapen til lærestoffet i grunnskulen
- har kunnskap om matematikkfaget sitt innhald på dei ulike stega i grunnskulen, og om overgangane mellom stega i grunnskulen
Studenten
- kan planleggje, gjennomføre og vurdere matematikkundervisning for alle elevar på mellomsteget og ungdomssteget, med fokus på variasjon og elevaktivitet
- har gode praktiske ferdigheiter i munnleg og skriftleg kommunikasjon i matematikkfaget, og kompetanse til å fremje slike ferdigheiter hos elevane
- kan bruke arbeidsmåtar som fremjar elevane si undring, kreativitet og evne til å arbeide systematisk med utforskande aktivitetar, grunngivingar, argument og bevis
Studenten
- kan bruke både matematikkfaglege og -didaktiske kunnskapar og ferdigheiter på ein sjølvstendig måte
- viser evne til refleksjon og kritisk tenking
Emnet er nettbasert med to obligatoriske samlingar i Volda kvart semester. (Jf. Forskrift om studium og eksamen § 4-6. http://lovdata.no/forskrift/2014-12-04-1697/§4-6). Nettundervisninga vert gitt i Canvas og Adobe Connect. Begge emna i studiet har arbeidskrav som må vere godkjende for å kunne gå opp til eksamen.
| Emne | 2019 Haust | 2020 Vår |
|---|---|---|
| 15 | ||
| 15 | ||
| Sum | 15 | 15 |
Studenten må ha tilgang til datamaskin med internett (av god kvalitet), nødvendig programvare og utstyr som webkamera, headset og mikrofon.
Studiet har ei studieavgift på kr. 8000,- (kr. 4000,- pr. emne) + semesteravgift.