Vidareutdanning (bachelornivå)
Historie, opne emne
Deltid, Heiltid, Nettstudium
Nettstudiet gir ei grunnleggande innføring i norsk og internasjonal historie frå tidleg mellomalder og fram til i dag. Det er eit mål å gi studentane kompetanse til å forstå samanhengar og utvikling over tid og skape reflekterte haldningar.
Søknadskode : 4026
Info og frister
Varigheit 2 semester (1 år)
Studiepoeng 45
Start Haust Vår
Søknadsfrist Løpande opptak
Studieinnhald
Studiet er sett saman av emne på 15 studiepoeng. Deltidsstudenten vel 1 emne i semesteret. Heiltidsstudenten vel 2 emne i semesteret. Du kan velje mellom desse emna:
Valbare emne, kvart på 15 studiepoeng:
- Norsk og internasjonal oversynshistorie ca 300–1536
- Norsk og internasjonal oversynshistorie ca 1536–1870
- Norsk og internasjonal oversynshistorie ca 1870–2000
Opptakskrav
Generell studiekompetanse
Undervisningsmåtar og vurderingsordningar
Studiet er nettbasert og alle innleveringar av oppgåveutkast m.m.skjer i e-læringsverktøyet Canvas. Det er difor ein føresetnad at studentane er fortruleg med internettbruk.
Les meir om vurderingsordningar og eksamen i studie- og emneplanane. Studieplanane er under revisjon, og vil bli publisert i løpet av våren 2018.
Aktuelle yrke og vidare studium
Studiet kan saman med anna yrkesutdanning kvalifisere for arbeid innanfor ei rekkje område.Yrkesgrupper som lærarar, journalistar, kulturarbeidarar og –administratorar i vid forstand (ABM-sektoren: arkiv, bibliotek, museum) hentar viktig kompetanse gjennom studium i historie. Studiet kan påbyggjast til årsstudium i Historie eller gå inn som valfri del i mange bachelorutdanningar ved Høgskulen i Volda.
Kontakt
Faglege spørsmål kan rettast til studieprogramansvarleg på Historie opne emne, Ola Teige, tlf 70075499 eller e-post.
Administrative spørsmål i historie kan rettast til studiekoordinator Helene Brustad Eskeland, tlf 70075282 eller e-post.
Les ells meir informasjon på heimesida vår.
Oppstart
Vi tek atterhald for endringar i tidspunkt og planar grunna Korona-restriksjonar eller føringar frå styresmaktene.
Les meir om studiestart her
***
We reserve the right to make any changes in time and plans due to Corona restrictions or rulings by the government.
Read more about the semester start here
HI111N, HI112N og HI113N startar i veke 34 og 35 hausten 2020.
Alle emna tilbys som nettstudium.
Undervisningsstad
Studiet nyttar e-læringsverktyet Canvas til informasjon, kommunikasjon, utlegging av fagstoff og arbeidskrav, innlevering av arbeidskrav osv.
Det er et krav at ein held seg oppdatert i Canvas. Studenten får tilgang til Canvas etter semesterregistrering.
Annan informasjon
Oppbygging av studiet finn du i studieplanen. Her vil du finne lenkje vidare til dei emna som skal og kan inngå i studiet. I emneplanane kan du lese om arbeidskrava, vurderingsforma ol.
Som heiltidsstudent, skal du i 1. semester gjennomføre to av emna som er nemnde nedanfor.
Dersom du har lyst til å starte med pensumlesinga tilrår vi at du startar med desse:
- HI111N: Bagge, Sverre: Europa tar form (2020) 3. utgåve, s. 11-307.
- HI112N: Steensgaard N. (Aschehoug verdenshistorie band 9), s. 12-85, 110-119, 148-193 og 212-235. Kan tingast som kompendium frå «Pensumtjenensten».
- HI113N: Palmer, R. R., Joel Colton og Lloyd Kramer (2014). A History of Europe in the Modern World (Eleventh Edition), s. 569-687, 714-853, 876-1072.
Fullverdige pensumlister finn du her.
Du vil få meir informasjon i Canvas om studiet når du har registrert deg på emna i Studentweb. Registreringen åpner 1.august 2020 og stenger 1.september 2020
Studieplan
Historie, opne emne
Studiet skal trene studentane i å forstå samanhengar og utvikling over tid, og hjelpe til med å skape ei reflektert haldning til vår eiga samtid. I ei tid med snøgge endringar er det viktig å halde ved like kunnskapane om fortida, fordi historie alltid vil vere eit viktig og nødvendig fundament i notida. Historiestudiet ved HVO skal vere ein møteplass for studentar som søkjer eit historisk perspektiv på vårt mangfaldige notidssamfunn.
Studiet er godkjent som undervisningsfag i skulen og som tilleggsutdanning for lærarar i høve til reglane om lønnsopprykk og adjunktkompetanse.
Studiet kan gå inn som halvårsstudium, emnegruppe og/eller del av fordjupingsfag i ei lang rad bachelorutdanningar ved Høgskulen i Volda (HVO), andre høgskular og universitet. Som del av fordjupingsfag i ei bachelorutdanning kan det nyttast som opptaksgrunnlag til fleire masterstudium, m.a. Kulturmøte ved HVO og alle masterstudium i historie ved norske universitet.
Historiestudiet høver òg godt som grunnlag for vidare studium innanfor t. d. media/informasjon, kulturadministrasjon, bibliotekteneste m.v.
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket skal studenten ha følgjande læringsutbytte etter fullført utdanning:
Studenten skal ha
- grunnleggjande oversikt over ein lengre periode i norsk og internasjonal historie
- visse kunnskapar om historisk metode, teori og historiografi
Studenten skal kunne
- tileigne seg, ordne og systematisere kunnskap på logisk konsekvent vis for å svare på ei historisk problemstilling
- skrive fagtekstar av eit visst omfang på eiga hand og innafor gjevne tidsrammer
- reflektere over eige fagleg arbeid og justere dette under rettleiing
Studenten skal kunne
- setje seg inn i nye problemområde og analysere saker frå fleire sider
- handtere informasjonsmengder av eit visst omfang, og ordne og systematisere kunnskap på logisk konsekvent vis
- dokumentere skriftleg arbeid i samsvar med generelt vedtekne krav innafor høgare utdanning
Studiet er sett saman av tre emne á 15-studiepoeng. Studenten vel sjølv kor mange av emna han/ho vil gjennomføre. Heiltidsstudenten vel to emne i eit semester og eitt i det andre. Deltidsstudenten vel eitt emne pr. semester.
Studiet er nettbasert og alle innleveringar av oppgåveutkast m.m. skjer i eige e-læringsverktøy (Canvas). Det er derfor ein føresetnad for å kunne studere historie i Volda, at studenten er fortruleg med internettbruk: navigering i nettlesar, bruk av diskusjonsforum og opp- og nedlasting av filer. Det blir lagt ut detaljerte rettleiingar i slik bruk i Canvas.
| Emne | 2020 Haust | 2021 Vår |
|---|---|---|
Heiltidsstudenten vel to emne kvart semester. Deltidsstudenten vel eitt emne kvart semester. | 15 | 15 |
| 15 | 15 | |
| 15 | 15 | |
| 15 | 15 | |
| Sum | 15 | 15 |
Det er også viktig med gode leseferdigheiter i engelsk, da ein del av pensumlitteraturen ikkje er omsett til norsk.