#PRprat: Strategisk og operativt frå Helsedirektoratet

Dette vårsemesteret arrangerer Institutt for kommunikasjon ved Høgskulen i Volda (HVO) #PRprat: ein serie opne nettmøte om spennande tema innan media og kommunikasjon. Alle som vil, kan bli med!

24. april: Strategisk og operativt frå Helsedirektoratet

Gjesten i #PRprat onsdag 24. april mars kl. 12 er Eline Korsnes Sundal. Ho arbeider som kommunikasjonsrådgjevar i Helsedirektoratet.

PR-praten om helseinformasjon er mellom anna knytt til folkehelse og førebygging.

– I jobben i Helsedirektoratet ligg det også ansvar for kommunikasjonen på folkehelse- og førebyggingsfeltet, fortel Sundal.

Dette er viktig for innbyggjarane i Noreg av fleire grunnar. Først og fremst er kommunikasjon om folkehelse og førebygging avgjerande for å informere publikum om helseutfordringar, risikofaktorar og tiltak for å betre helse og velvære. God kommunikasjon kan bidra til å styrkje medvit, endre haldningar og til og med endre åtferd, noko som kan ha stor innverknad på folkehelsa.

No har helse – på godt og vondt – blitt eit veldig individualisert ansvar. Folk får sjølv eit større individuelt ansvar for å ha god helse, vere sunne, ete sunt, trene, ete fem om dagen og så bortetter. Problemet er at det ikkje er alle som har sjansen til å oppfylle alle desse moderne krava til eit godt og helsesamt liv. Dette er eit typisk kjenneteikn ved (risiko)samfunnet vårt i dag.

Kommunikasjon om folkehelse

Og det manglar ikkje på råd. Effektiv kommunikasjon kan bidra til å redusere helseulikskapar ved å sikre at alle befolkningsgrupper har tilgang til og forstår helseinformasjon. Dette kan hjelpe alle innbyggjarane i Noreg, uavhengig av bakgrunn, til å ta informerte avgjerder om helsa si.

Helseinfo, pandemi og Nakstad

– Vi arbeidar strategisk og operativt med helsekampanjar, spesielt innan levevanar, fortel Sundal.

Så kjem vi ikkje utanom covid-19. Helsedirektoratet sin kommunikasjon var godt synleg gjennom mellom anna Espen Rostrup Nakstad som den mest kjende talspersonen. Men bak Nakstad ligg det mykje arbeid.

• Tidspunkt: Onsdag 24. april kl. 12.00–12.45.
• Lenkje til nettmøte på Microsoft Teams her. Du kan gå inn som «gjest» ved å trykkje på Opne i nettlesar.

#PRprat

Målet med dei opne nettmøta i serien #PRprat er å skape ein møteplass for fagleg påfyll og utveksling av erfaringar mellom fagmiljøet og praksisfeltet. Alle medie- og kommunikasjonsinteresserte er inviterte til å følgje med.

Fleire av HVO-studentane ved Avdeling for mediefag er ute i praksis gjennom vårsemesteret, medan andre studentar er på utveksling i utlandet. Tilbodet er også tilpassa desse, slik at dei kan ha ein kontakt tilbake til fagmiljøet sitt i Volda sjølv om dei oppheld seg ute i praksisverksemder eller ved utanlandske universitet.

Er du nysgjerrig på kva tema som ventar utover våren? Du kan sjå heile møteserien her (eksternt Google-dokument).

• Kontaktperson for møteserien: Kristian Fuglseth, førstelektor ved Institutt for kommunikasjon.