PPU-konferanse 2020 Innleiarar

Synnøve Amdam, høgskulelektor og Phd-forskar i digital kompetanse i læring ved Høgskulen i Volda. Prosjektleiar for DigiGlu. Jobbar med digital kompetanse, media literacy og digital literacy, medie- og kulturteori, mediepedagogikk, profesjonsforsking, lærarutdanning.

Siv Therese Måseidvåg Gamlem, professor i pedagogikk ved Høgskulen i Volda. Gamlem er involvert i fleire store nasjonale forskingsprosjekt og er mellom anna medlem i samarbeidsgruppa oppretta av Kunnskapsdepartementet som skal utgreie eit heilskapleg system for eksamen i Fagfornyelsen. Ho har ei doktorgrad frå 2014 innanfor tema vurdering og tilbakemelding som støtte for læring. Forskingsområda hennar er m.a. vurdering, læringsprosessar, skuleutvikling og læringssamtalar. Sluttrapporten for kunnskapsgrunnlaget eksamen i grunn- og vidaregåande opplæring og moglege endringar i vurdering vert lagt fram konferanseveka.

Kåre Heggen, professor ved institutt for sosialfag ved Høgskulen i Volda og ved Senter for profesjonsstudier ved Høgskolen i Oslo og Akershus. Faglege interesser innan ungdom og utdanning, profesjonskvalifisering og barnevern. Har lang og allsidig erfaring innan profesjonsforsking, også knytt til lærarutdanning. Noverande forskingsprosjekt "Teachers' Professional qualifications (TPQ)"  og "Barnevernsprosjektet".

Ragnhild Lied, leiar i Unio med sine 13 fagforbund. Det har ho gjort i fire år, etter gjenval i fjor. Kom til Unio etter å ha vore leiar i Utdanningsforbundet. Ho har lang fartstid som lektor i vidaregåande skule med faga realfag og idrettsfag. Leia Lied-utvalet, som kom med si innstilling om endringar i struktur, samansetnad og organisering av framtidas vidaregåande opplæring.  

Kristi Klette, professor ved institutt for lærerutdanning og skoleforskning, UiO. Forskingsinteresser innan reformpolitikk, lærararbeid og klasseromsstudier, samt lærarutdanning. Klette har gjennom fleire arbeid analysert endringstrekk og endringsvilkår for lærarar sitt klasseromsarbeid. Ho har leia flere større nasjonale og nordiske forskningsprosjekt der ho har undersøkt endringar i lærar sin klasseroms-praksis.  Center Director/leiar for Nordic Center of Excellence in Nordic Teaching (QUINT). Klette har leia det internasjonale forskningsprosjektet Coherence and Assignment Study in Teacher Education (CATE), som samanlikna lærerutdanningar i Norge, Finland, USA, Chile og Cuba med mål om bl.a. å bidra til djupare innsikt i korleis programutforming og campus undervisning kan bidra til sterkere kobling mellom teori og praksis i lærerutdanninga. 

Kunnskapsdepartementet ved statssekretær Anja Johansen: https://www.regjeringen.no/no/dep/kd/org/politisk_ledelse/statssekretar-anja-johansen/id2687658