Animasjonsutdanninga
Animasjonsutdanninga i Volda passar for kreative personar som er interessert i animasjon, og som er motiverte til å arbeide med det.
Studentane lærar ulike teknikkar innan animasjon, og korleis ein brukar disse animajsonsteknikkane i ulike media. Dette kan til dømes vere fjernsyn, film, web og dataspel. Animasjonsstudentane lærar også produksjonsprosessen, og korleis ein regisserer ein animasjonsfilm.
Høgskulen har eit godt og nært samarbeid med animasjonsbransjen i både inn- og utland, og slik kan studentane nytte høvet til å knytte kontakt med bransjen.
I studentorganisasjonane ved Høgskulen i Volda kan ein få vist sine animasjonskunnskapar. Animasjonsstudentar kan til dømes lage illustrasjonar til blant anna skuleavisa Peikestokken og Volda Studentradio, noko som fleire studentar innan faget har gjort tidligare. Student-TV og PR-studentane treng også folk med kunnskapar innan grafikk og design, enten ein er fast medlem i organisasjonane eller berre trengs ved enkeltoppdrag. Ved å vere i ein eller fleire organisasjonar kan ein knyte relasjonar til studentar på andre fagområde, både i skulesamanheng og sosialt.
Her er nokre filmar laga av tidligare studentar ved animasjonslinja på Høgskulen i Volda.
Love the taste of electricity (Av Ana Stefaniak, utveksling 2. året)
DOKFILM intro 2010 (Av Clemence Catelot, Marion Le Guillou, og Tor Christian Engdal, spesialisering 2. året)
Musikkvideo: Kvelertak - Blodtørst (Av Torjus Førre Erfjord, bachelorproduksjon)
Lovestory (Av Mattias Hattrem Olesen, Martin Anmarkrud, Cecilie Helen Edvardsen og Adrian Kaxrud, Digital cut-out. After Affects. 1. året.)
SAIVA (Av Tuva Synnevåg, bachelorproduksjon)