Still til val i Studentparlamentet 2026-27
Elleve studentrepresentantar og elleve vararepresentantar skal veljast inn i Studentparlamentet i Volda. Fristen for å stille til val til Studentparlamentet er tysdag 1. september.
Studentparlamentet er det øvste organet i studentdemokratiet ved Høgskulen i Volda og er av og for studentane. Studentparlamentet fremjar studentane sine interesser og rettar både lokalt og nasjonalt.
Alle studentar registrerte ved Høgskulen i Volda kan stille til val. Ved å stille i valet til Studentparlamentet får du vere med og ytre di meining i viktige saker som påverkar studiekvardagen din.
Studentparlamentet har om lag sju møte i året, på onsdagar i demokratitida frå kl. 14.15 i perioden september til april. Møta er opne for alle studentar.
Etter valet vil faste representantar og vararepresentantar delta på ei opplæringshelg – 26.–27. september på Hotel Sagafjord på Sæbø (30 minutt frå Volda). Alt er gratis, og busstransport til og frå hotellet er bestilt. Her vil du lære alt du treng å vite om Studentparlamentet og vervet.
Viktige datoar for valet:
- 1. september kl. 23.59: nominasjonsfrist
- 3.–10. september: valkampperiode og elektronisk val
- 26.–27. september: opplæringshelg på Sæbø
Har du spørsmål om valet, kontakt Studentparlamentet på e-post: studentparlamentet@hivolda.no
