Gratis kyrkjekonsert med Høgskulekoret

Repertoaret dei framfører, er frå sjangrane pop, vise og folkemusikk. Det vert både a capella-innslag og songar med akkompagnement. Fleire av studentane får også prøve seg som solistar med koret.

Innslaga har tid og stad som tema, og konserten har fått undertittelen «A time and place for us», som er henta frå teksta til songen «Somewhere» frå musikalen West Side Story.

Andre titlar folk vil dra kjensel på, er «To make you feel my love» og «The times they are-a changin'» av Bob Dylan og jazzlåta «Take Five». Publikum kan også sjå fram til å høyre mellom anna musikk av Susanne Sundfør og Leon Bridges og to av Eric Whitacres nydelege korarrangement.

Dirigent for koret er Karen Rosenberg Olsen, som er høgskulelektor ved Institutt for musikk ved Høgskulen i Volda.