MGL5-10PE1 Pedagogikk og elevkunnskap 1: Læraren si tilrettelegging for læring og utvikling

Course code:

MGL5-10PE1

Duration:

2 semesters

Credits (ECTS):

Level of study:

Foundation level (bachelor’s degree level)

Course name in Norwegian Nynorsk:

Pedagogikk og elevkunnskap 1: Læraren si tilrettelegging for læring og utvikling

Teaching semester:

2021 Autumn

2022 Spring

Course name in Norwegian Bokmål:

Pedagogikk og elevkunnskap 1: Læreren sin tilrettelegging for læring og utvikling

Assessment semester:

2022 Spring

Language of instruction:

Norwegian

Required prerequisite knowledge

Ingen.

Course content

Emneplanen er utarbeidd i samsvar med nasjonale retningslinjer for grunnskulelærarutdanning trinn 5-10. Emnet er første del av faget Pedagogikk og elevkunnskap, og inneheld 13 stp. pedagogikk og 2 stp. religion, livssyn og etikk.

Emnet tek føre seg korleis læraren kan tilrettelegge for elevane si læring og utvikling på 5.-10. trinn, med særleg vekt på begynnaropplæringa. Det vert teke utgangspunkt i fem område som grunnlag for utvikling av profesjonskompetanse. Desse områda er lærarrolla, læringsteori, didaktikk, klasseleiing og profesjonsetikk. Det er læraren sitt arbeid i møte med eleven, elevgruppa og lærestoffet som er i sentrum. Forskingsbasert kunnskap om læring og undervisning står sentralt, og studentane skal få ei første erfaring med forskingsarbeid knytt til praksis.

Learning outcome

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Learning outcome knowledge

Studenten har kunnskap om

* læringsteoriar og sentrale prinsipp for fremjing av gode læringsprosessar for elevar på mellom- og ungdomstrinnet

* sentrale didaktiske prinsipp for undervisningsarbeid

* teori om utvikling av læringsmiljø og grunnleggande prinsipp for klasseleiing på mellom- og ungdomstrinnet.

* lærarprofesjonen, kontaktlærarrolla og lærarrolla i det fleirreligiøse og livssynsmangfaldige klasserommet

* etisk teori og grunnleggande profesjonsetiske prinsipp og dilemma som regulerer undervisning og læring i skulen

* dei grunnleggande ferdigheitene som ressurs for læring på mellom- og ungdomstrinnet

* sentrale styringsdokument i skulen

* observasjon som reiskap for lærararbeidet

Learning outcome skills

Studenten kan

* planlegge undervisningsarbeid i samsvar med faglege og profesjonsetiske prinsipp og gjeldande læreplanverk

* engasjere seg i læringsfremjande relasjonar med elevar

* forstå og engasjere seg i elevane sine læringsprosessar

* diskutere og fagleg begrunne didaktiske og etiske val

* planlegge og gjennomføre systematisk observasjon

* meistre norsk munnleg og skriftleg på ein kvalifisert måte

Learning outcome qualification

Studenten kan

* på eit reflektert og fagleg grunnlag vere i godt samspel og god kommunikasjon med eleven

* innta ei lærarrolle som er i samsvar med grunnleggande profesjonsetiske og faglege prinsipp

Working and learning activities

Undervisningsformene vekslar mellom plenumundervisning, seminar med studentaktivitet, arbeid i grupper og individuelt. Arbeidskrava har til hensikt å støtte studentane i deira læringsprosessar, gjennom rettleiing og øving i munnlege, skriftlege og digitale uttrykksformer. I og med at dette er studentane sitt første møte med faget pedagogikk og elevkunnskap, legg ein vekt på munnleg kommunikasjon med studentane om deira praktiske erfaringar og teoretiske forståingsmåtar.

Studentane skal gjennomføre systematisk observasjon av læraren sitt arbeid, analysere og rapportere denne skriftleg. Gjennom dette vert dei kjende med observasjon som vitskapleg metode, får kjennskap til kva læraren sitt arbeid kan dreie seg om, og får ei første innføring i akademisk skriving i faget.

Eksamen i emnet er ein skriftleg skuleeksamen, som etterspør kunnskap om sentrale innhaldselement som er grunnleggande for profesjonell utøving av læraryrket.

Assessment requirements

Frammøtekrav:

Det er obligatorisk oppmøte til all timeplanfesta aktivitet, jamfør Forskrift om opptak, studium og eksamen ved Høgskulen i Volda §4-6.

Arbeidskrav:

Ei skriftleg, gruppebasert oppgåve på 2000 ord, bygd på observasjon av lærarens sitt arbeid
Ein individuell, teoretisk refleksjonstekst på 1200 ord
Ein munnleg presentasjon med digital støtte av eit sentralt tema frå pensumlitteraturen.
Oppmøte og aktiv deltaking i seminara knytt til dei munnlege arbeidskrava

Evaluation system

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11

Evaluation

Emnet vert evaluert i samsvar med HVO sitt kvalitetssystem.

Maximum number of students:

Person in charge:

Iselin Vatnehol

Used in other programs