Disputerer om handskrift kontra skjermskriving blant førsteklassingar
Fredag 5. mai forsvarer Eivor Finset Spilling ph.d.-avhandlinga Handwriting versus keyboarding in first grade: Which modality best supports written composition performance and learning? ved Universitetet i Stavanger.
Spilling er høgskulelektor ved Institutt for språk og litteratur på Høgskulen i Volda. I avhandlinga si har ho sett på om handskrift og skriving på nettbrett påverkar førsteklassingar sine prestasjonar i og læring av tekstkomposisjon.
Funna hennar ser ut til å vise at skriveopplæring som er basert på handskrift, og skriveopplæring som er basert på nettbrett, kan gi elevar like moglegheiter til å utvikle ferdigheiter i tekstkomposisjon det første skuleåret.
Doktorgraden til Spilling har vore del av forskingsprosjektet DigiHand ved HVO og UiS, eit prosjekt som mellom anna har undersøkt skriveutviklinga hos dei yngste i skulen som bruker nettbrett over tid.