Gratis internasjonal mat, standområde med ei rekke land representert, underhaldning, studentkonkurranse og prisutdeling er stikkord når Høgskulen i Volda onsdag 11. februar inviterer til Internasjonal dag.

Tysdag 24. februar inviterer Høgskulen i Volda til innspelsmøte. Målet er å hente inn idear til kva eit nytt demokratisenter på Søre Sunnmøre skal innehalde.

Forsking og utvikling blir gjerne sagt i same andedrag, men kan ha ulike kår. No vil ei ny mediefagleg gruppe løfte gode initiativ til å drive meir utviklingsarbeid ved Høgskulen i Volda.

Han var blant dei viktigaste for norsk vitskap på 1700-talet, og i Volda ber eit høgskulebygg namnet hans. I 2026 er det 300-årsjubileum for Hans Strøm, og feiringa i regionen opna med kakefest, kåseri og utstilling ved høgskulen.

Emna i opplæringsdelen av doktorgradsprogrammet «Utdanning, språk og kultur» er opne også for eksterne søkjarar. Innførings- og profilemnet med same namn som programmet har søknadsfrist 20. februar.

Som ein del av bacheloren i historie får studentar ved Høgskulen i Volda no ein praksisperiode i kultur- og museumssektoren. For Kristoffer betyr det at han blant anna skal vere med på å lage ei utstilling om pelsdyrnæringa hos Viti – Sunnmøre museum.

Gro Anita Bårdseth gjekk frå å forske på kulturmiljø til å fordjupe seg i planlegging. – Eg oppdaga at samfunnsplanlegging var relevant, viktig og rett og slett meiningsfullt å jobbe med, fortel den nye dosenten ved Høgskulen i Volda.

Eksamensresultata for juss i barnevern blant masterstudentar varierer stort nasjonalt. Klart lågast strykprosent har Høgskulen i Volda (HVO) og NTNU – begge stader har HVOs Egil Arne Standal spelt ei nøkkelrolle.

I år er det 100 år sidan den sunnmørske poeten Arnold Eidslott var fødd. – På sitt beste skreiv han rystande gode krigsdikt, meiner HVO-professor Jan Inge Sørbø, som har teke initiativ til ei ny bok i høve jubileet.

Med rett hjelp kan gaming-interesse bli både IT-kompetanse og ny giv. Unge i utanforskap får motivasjon og moglegheiter gjennom Nav-tilbodet «Grunnleggande programmering», viser forsking frå Høgskulen i Volda.

På nittitalet studerte Silje Ims Lied til førskulelærar i Volda. No går ho akademisk til topps same staden og blir dosent – samtidig som ho leier den største avdelinga ved høgskulen. Lange dagar møter ho med eit topptrent smileband.

Leiinga ved høgskulen ser tilbake på året som er gått for Høgskulen i Volda og løftar blikket mot 2026 og vidare framover i si nyttårshelsing.