Styring, ansvar og roller
3.1 Overordna ansvar
Det er høgskulestyret som har det overordna ansvaret for kvalitetssystemet ved HVO og handsamar årsrapporten om studiekvalitet.
3.2 Tilsette, ansvar og rolle
3.2.1 Rektor og prorektor
Rektor er ansvarleg for kvaliteten i høgskulen sine studietilbod.
Prorektor har ansvaret for den daglege oppfølginga av kvalitetssystemet.
Rektoratet har ansvaret for at det blir oppretta og gjennomført kompetansehevingstiltak for fagleg tilsette.
3.2.2 Høgskuledirektøren
Direktøren har ansvaret for drift og vedlikehald av kvalitetssystemet. Direktøren har òg ansvaret for kvaliteten i dei administrative tenestene knytte til studiekvalitet.
3.2.3 Studiedirektøren
Studiedirektøren har det samla ansvaret for kvalitetsarbeidet knytt til dei studieadministrative støttetenestene ved HVO. Studiedirektøren skal i samarbeid med avdelingane ta initiativ til intern evaluering av studietilbod ved høgskulen for å sikre studiekvaliteten. Studiedirektøren skal utarbeide statistikkar og analysegrunnlag som avdelingane kan bruke i sitt kvalitetsarbeid.
3.2.4 Personaldirektøren
Personaldirektøren har det samla ansvaret for at tilsettingar skal vere i samsvar med vårt kvalitetssystemet og anna regelverk
3.2.5 Dekan
Dekanen har det overordna ansvaret for kvalitetsarbeidet og for å fremje god kvalitetskultur. Det er dekanen som har ansvaret for at evalueringar av undervisninga blir gjennomførte, og for at resultata blir drøfta i relevante fora.
3.2.6 Studieleiar (grunnskulelærar-, førskulelærar- og praktisk-pedagogisk utdanning)
Studieleiarar har medansvar for gjennomføring av evaluering av studieprogramkvaliteten, inkludert praksisopplæringa, og til å vidareutvikle kvaliteten i dei respektive utdanningane.
3.2.7 Instituttleiar/programansvarleg
Instituttleiar/programansvarleg har ansvaret for planlegging, koordinering, evaluering og kvalitetsutvikling av studieprogram.
3.2.8 Emneansvarleg
Emneansvarlege har ansvaret for gjennomføring av evaluering av emne.
3.2.9 Faglærar
Faglærar har ansvaret for å gi god undervisning, retteleiing og oppfølging
3.3 Studentane sitt ansvar og rolle
Lov om universiteter og høgskoler av 1. april 2005 nr. 15
Studentane har medansvar for utviklinga av studiekvaliteten på høgskulen. Det skal skje ved representasjon i styre og utval, og gjennom aktiv deltaking i studentevalueringar, fagutvalsmøte, trivselsundersøkingar m.m. som høgskulen legg til rette for. Studentane har også ansvar for å setje seg inn i gjeldande reglar.
3.3.1 Fagutvalsmedlem
Fagutvalet skal vere eit forum for tilbakemelding og evaluering under vegs i studiet, og har samtidig som mål at studentar og faglærarar skal utvikle ei fagkritisk haldning.
Døme på referat frå fagutvalsmøte.
3.5 Utval
Ved HVO har vi følgjande utval som alle har oppgåver knytte til arbeid med studiekvalitet:
3.5.1 Studiekvalitetsutval ved avdelingane
Avdelingane kan ha eigne studiekvalitetsutval. Dette er ein funksjon som også kan leggjast til avdelingsrådet.
3.5.2 Fagutval
Alle studentar skal ha tilknyting til eit fagutval. Retningsliner finn ein her.
For nettstudentar skal det lagast eigne evalueringsopplegg.