Mål for kvalitetsarbeidet ved Høgskulen i Volda

HVO sitt kvalitetssystem skal bidra til å verkeleggjere høgskulen sitt mål om å vere

Ein utviklingsorientert institusjon som i samarbeid og konkurranse med andre utdannings- og forskingsinstitusjonar driv utdanning, forsking, fagleg utviklingsarbeid og formidling med høg kvalitet.

Hovudmålet for kvalitetssystemet ved HVO er difor å bidra til ei kontinuerleg utvikling av studiekvaliteten. Eit godt utvikla kvalitetssystem skal medverke til at studentane gjennomfører studia på normert tid med tilfredsstillande resultat.

2.1 Kvalitetssystemet skal

• synleggjere god kvalitet og avdekkje sviktande kvalitet
• utvikle gode rutinar og arbeidsmåtar
• fremje ein kvalitetsmedviten kultur
• gi informasjon til leiinga og styret som grunnlag for avgjerder om prioritering og ressursfordeling
• imøtekome krava til kvalitetssystem frå styremakter og tilsynsorgan
• avklare kven som har ansvar for kva når det gjeld utviklinga av god studiekvalitet
• bidra til å utvikle og forbetre studiekvaliteten, ikkje berre kontrollere

Arbeidet med betring av studiekvaliteten kan framstillast som ein prosess med fire fasar som stadig gjentek seg:

• Planlegging:
  Utarbeiding av mål for studium/emne og praktisk opplegg for undervisning, rettleiing og vurdering.
• Gjennomføring:
  Undervisning, rettleiing og vurdering, samtidig med evaluering av framdrift og måloppnåing.
• Evaluering:
  Analysar av resultat og tilbakemeldingar frå evalueringar med sikte på forbetringstiltak.
• Forbetring:
  Revisjon av mål og undervisningsopplegg for studium/emne.