Elisabeth Innselset

Fagleg interessefelt:

Kroppsøving/idrett, fysisk aktivitet (både praktisk og teoretisk), fysisk og psykisk helse sett i eit livsløpsperspektiv, gruppetrening/instruksjon for mennesker i alle aldre og med ulik treningsbakgrunn og føresetnader, fagdidaktikk i kroppsøving og idrett, idrettspedagodikk, idrettspsykologi, dans, handball, leik og sansemotorikk, kropp og sjølvbilete, kroppsideal,  spiseforstyrrelsar, megareksi, kropp og sjølvoppfatning, doping innan idrett, helsevanar blant barn og unge, fysisk aktivitet og barn/ungdom m.m.

Tidlegare arbeid/publikasjonar:

Innselset, E. (2010): Menn, kroppsoppfattelse og fysisk trening. En undersøkelse blant 76 menn ved treningsstudioer i Norge. Hovedfagsoppgave, NTNU.
2002: Video i dans (til bruk i undervisning).
2010: Artikkelforfattar for www.trening.no (registrert i www.ForskDok.no) 

Pågåande prosjekt:

1. Helsevanar blant 8. klassingar på søre Sunnmøre.
2. Med satsing på fysisk aktivitet. En kartlegginsstudie av 6. klassinger ved Spjelkavik barneskole.
3. Fysisk aktivitet i SFO for 1. klassingar ved Bratteberg skule. Eit samarbeid mellom Bratteberg skule og Høgskulen i Volda.

MED FOKUS PÅ FYSISK AKTIVITET

Torsdag 4. november 2010 var kroppsøvingslærarar frå barne-, ungdom- og vidaregåande skule samla på kurs i Ålesund. Arrangøren var Landslaget fysisk fostring i skolen (LFF), og ein av dei som heldt innlegg på kurset var høgskulelektor Elisabeth Innselset frå Seksjon for idrett og friluftsliv ved HVO.

Målet for kurset var å presentere siste nytt innan forsking, samt gje relevant fagleg påfyll innan eit utval aktivitetar knytt til kroppsøving. Høgskulelektor Elisabeth Innselset forskar på helsevanar blant ungdom, og på kurset la ho fram resultata frå sin studie. Innselset har gjennomført ei undersøking blant 8. klassingar. I presentasjonen var det fokus på vekt, kosthald, sjølvrapportert fysisk aktivitet (skulevegen, aktivitetar i skuletida; kroppsøving, friminutta og fysisk aktivitet på fritida) og stillesittande åtferd (tid brukt framfor tv, pc m.m.). Studien vert publisert i 2011.

Kursdeltakarane fekk også inspirasjon og praktiske tips til øvingar og aktivitetar som dei kan nytte i undervisning. I løpet av dagen var det sett av tre økter med fysisk aktivitet, der dei mellom anna kunne velje mellom idance; bruk av dansematter, frispel; aktivitetar med bruk av småreiskap, parkør; klatring på tilgjengelege tak, veggar og rekkverk, funboxing, funboard og speed stack; ein aktivitet der det er bruk av boksing, rullebrett og stablekasser. Dagen var avslutta med latinomixdans leia av Cecilie Rygel.