20.-29. september 2013
Ved Høgskulen i Volda blir Forskingsdagane 2013 arrangerte i tida 20.-29. september.
Kvart år blir det utforma overordna tema og slagord for Forskingsdagane på nasjonalt plan. I 2013 er det nasjonale temaet «Hav og vatn». Høgskulen i Volda ønskjer i tillegg arrangement retta inn mot 100-årsmarkeringa for innføring av røysterett for kvinner og at 2013 er Språkåret.
Forskingsdagane har dei siste åra hatt meir enn 1.000 arrangement over heile landet, og vert i 2013 arrangert for 19. gong. Noregs forskingsråd i samarbeid med universitet, høgskular, forskingsinstitutt, bibliotek, museum, kommunar og næringsliv står bak. Arrangementa er gratis.
Forskingsdagane for tidlegare år finn du i menyen til høgre.
Forskingsdaganes nasjonale nettstad.
NYHENDE
PhD-stipendiat gjev mogelegheit for Volda-retur
Onsdag 22.mai var det informasjonsmøte om dei åtte utlyste PhD-stipendiata ved høgskulen. Ein av dei frammøtte var Ellen Strøm Synnevåg, som ser eit PhD-stipendiat som ei mogelegheit for å kanskje flytte attende til Volda.
Informasjonsmøte om utlyste PhD-stillingar
Høgskulen i Volda har lyst ut heile åtte stipendiatstillingar samtidig, to på kvar av avdelingane ved Høgskulen. Onsdag 22. mai blir det informasjonsmøte for moglege søkjarar på stillingane og for fagmiljøet rundt dei framtidige stipendiatane.
Her er FoU-administrasjonen på HVO
FoU-administrasjonen på HVO er no på plass i og med at Geir Tangen frå 6. mai tok til i si faste stilling som FoU-konsulent. Marit Gridseth Flø har vikariert i stillinga men går no ut i fødselspermisjon.
Harald Endre Tafjord har disputert
Det var verkeleg historisk og internasjonalt preg over tema og deltakarar under disputasen til Harald Endre Tafjord (39) ved Universitetet i Oslo 26. april. Temaet var politisk kultur, vennskap og konflikt i spansk mellomalder. Opponentane kom frå Universitetet i Cambridge og frå Syddansk universitet.