EndNote

EndNote er eit verktøy for referansehandtering. Med EndNote kan du finne, lagre og organisere referansar. Deretter kan du bruke EndNote til å sitere kjelder og lage litteraturliste i det skriftlege arbeidet ditt. Dette kan gjerast medan du skriv i Word.

Alle tilsette og masterstudentar ved HVO kan ta i bruk programmet i samband med eige arbeid med forsking, publisering og oppgåveskriving.

EndNote ligg installert på datamaskinen til alle tilsette.

For studentar er det enklast å bruke EndNote Web. Dette er ein nettbasert variant av EndNote, men med færre funksjonar. Fordelen er likevel at det går raskare å setje seg inn i programmet, og ein slepp å laste det ned til eiga maskin.

Tilsette kan bruke EndNote Web som eit supplement til EndNote. Du kan enkelt importere og eksportere referansar mellom dei to programma, noko som er praktisk dersom du til dømes jobbar ein del heimanfrå. EndNote Web gjer det dessutan mogeleg for deg å dele referansar med andre.