Her finn du fleire bilde frå India:
Mitt India
Indisk kaffi!
Taj Mahal
På handletur i India
Blikk inn i indisk politikk

Les også:
All India Radio - stor dekning og få (?) lyttarar
Vanskeleg, men muleg å skrive kritiski Kodagu Front
Volda-Mangalore 1-1
I hinduistavisa Hosadigantha
Frå frigjeringsmiddel til pengepresse
Spåmann: -Du blir aldri rik

Ymseposten er eit magasin med artiklar om alt frå Volda til verda. 
Bokinnsynet inneheld små og store bokomtalar og anna bokstoff.
Mål og middel er ei samling fagartiklar om språk og media.
Privaten er den minst  journalistiske og faglege delen av Vestads vevstad.
Stabburet inneheld stoff som absolutt er  forelda.

Her har sjåføren kanskje måtta svinge til sides, og greidde å stoppe mellom to strømstolpar. Denne gongen gjekk det nok bra, men det var mange vrak å sjå langs vegane. Mellom Delhi og Taj Mahal såg vi utbrebde vrak, totalhavarerte bilar og påkjørte,  dyr, for å nemne noko. Det er ikkje så rart, sia vi til dømes opplevde at det kom hestevogner og traktorar kjørande mot oss på einvegskjørt veg...  
 

Promenadegata i IT-byen Bangalore i sør-India har eit etter måten ryddig trafikkbilde, iallfall sett med auga til ein bilist. Å vera fotgjengar er ikkje særleg lett, her heller. Denne gata kan forresten minne om Drammensveien i Oslo, både av utsjånad, biltypar i gatene og dei butikkane som finst her. 
 

I Mysore, som også ligg i sør-India, er nok trafikkbildet meir som det bruker å vera i indiske byar. Her stampar bilane seg fram mellom fotgjengarar, motorsykkeldrosjer, fotgjengarar og ein og annan sykkelen. Bildet er teke frå den einaste restauranten eg var på som serverte så sterk mat at det gjekk ut over mageforma...
 

På torget i Mysore står motorsykkeldrosjene på geledd og ventar på kundar. Det er plass til utruleg mange i ei slik motorsykkeldrosje, men av nordmenn går det til vanleg ikkje meir enn tre. Det humpar!
 

Dette er ein stolt lastebilsjåfør som vi møtte på vegen frå Taj Mahal til Delhi. Vi får tru han var vaknare enn sjåføren vår, som heldt på å sovne. Vi anstrengde oss for å snakke med han slik at han skulle greie å halde auga oppe og bilen på vegen. Grunnen til trøyttheita var at han kom rett frå ein langtur i Himalaya da han vart pålagd å kjøre oss av bossen.  
 

Både sykkel- og hesteskyss er det råd å få. Denne hesten frakta oss frå Gandhi-museet til kjøttmarknaden i Delhi.

Tekst og bilde: Jon Peder Vestad. Bilda er frå oktober/november 1998, og er lagde på nettet i juni 2000.