Tradisjonell skrivestil

Deltakarane i ei undersøking Martin Engebretsen har gjennomført om nettjournalistikk vart bedne om å markere kva skrivemåte dei meinte passar best i nettaviser. Dei fleste kryssa av for objektiv, presis, forståeleg, balansert og tillitvekkjande. Få ønskte ein subjektiv, uhøgtideleg, personleg, uformell og provoserande skrivemåte. 66 prosent synest det er viktig at nyheiter er underhaldande og spennande skrivne, samstundes som 64 prosent meiner nyheitene blir dramatisert for mykje. 

Presentasjon på nettet

Martin Engebretsen skriv elles i Nyheten som hypertekst (2001): ”Nettavisdesignen bør --- ha følgende kjennetegn: En startside med mange lenker og henvisninger til de viktigste nyhetene; tekstinterne lenker i nyhetsartiklene, markert med forsiktig fargenyanse; spaltebredde som tilsvarer en mellomting mellom avis og bok og tekstnoder (delartiklar) som ikkje overskrider 2-3 skjermsider.”

Folk les på nettet

I USA har Poynter Institute og Stanford-universitetet samarbeidd om lesevanane til folk som les nyheiter på nettet. Det viser seg at det er tekstane folk oftast ser på på ei nettside. Artikkelteksten var det 92 prosent som såg på, samandrag 82 prosent og bilde 64 prosent. Bannerreklame vart sett på av 45 prosent og grafikk berre av 22 prosent. Det er Ordet som tel framleis – heldigvis for journalistane!

Ved Jon Peder Vestad

Lagt ut på nettet 17. juni 2002