Forfattaren Arne Garborg hadde også ein tilhengjarskare i USA. Med Garborg-året 2001 i tankane er det forvitneleg å vita at det på 1890-talet var ein Garborg-klubb i Chicago. 

Kristian Prestgard fortel i boka «Fra Heidal til Decorah» at klubben var skipa av Haakon Nyhuus, som den gongen var bibliotekar i byen. Klubben ser ut til å ha skipa til føredragskveldar, mellom anna heldt islendingen Steingrímur Stefánsson føredrag om Henrik Ibsen. Klubben «bestod utelukkende av unge, intelligente innvandrere fra Norge og Island», skriv Kristian Prestgard.

Haakon Nyhuus kom attende til Noreg i 1897 og gjorde ein stor innsats i norsk bibliotekstell. Sven Moren har skrive levande om han i boka «Møte og minne».

Av Gudmund Harildstad
Lagt ut på nettet 3. juni 2000.