Dette seminaret tek for seg kringkastingsjournalistikk i den digitale medieverda. Internettet er både ein konkurrent til tradisjonell kringkasting, og eit nytt medium som etablerte medieaktørar kan kringkaste i. Både forskarar og bransjefolk treng meir forståing av dei hybridane som vert kalla ’webradio’, ’web-tv’ eller ’nettkasting’.

Nye produksjonsmåtar fører til endring i både retoriske og estetiske trekk ved utsendinga. I radio og fjernsyn erstattar digitaliseringa sakte men sikkert analoge produksjonsmåtar, medan nettkastinga er eit medium skapt fullstendig innafor digitale logikkar.  Kva hender med journalistikken når radio og fjernsyn flyttar inn på Internettet og blandar seg med nettavisene? Kjem det nye retoriske og estetiske verkemiddel som følgje av digitaliseringa? Kva problem møter lovgjevarane og normsetjarane? Er auken i bandbreidde byrjinga på ein ny medierevolusjon?

Dette er nokre av emna deltakarane på haustseminaret i Volda får høve til å setje seg betre inn i, og drøfte. Håpet er at seminaret kan verte eit kreativt møte mellom medieforskarar og bransjefolk som deler interessa for å forstå den nye medieverkelegheita betre.

Seminaret er lagt frå torsdag til fredag, og er tilpassa flytidene frå Oslo, Trondheim og Bergen. Innkvarteringa er på Volda Turisthotell. Heidrun Torbjørnson er ansvarleg for praktiske forhold (epost: Heidrun.Torbjornson@hivolda.no, tlf. 7007 5083). Tilskiparar er Lars Nyre og Jon Peder Vestad.

Torsdag 2. november:

Fly kjem ca. klokka 11.til Ørstya/Volda lufthamn Hovden.

11.30. Kaffi.
12.00. Opning ved Jon Peder Vestad og Lars Nyre.
12.15. Lars Nyre, stipendiat HVO: ”Frå analog til digital kultur. Kva betyr metaforane?”.
13.00. Jan Zahl, Intercity-urbanist og journalist i TV2 Interaktiv: ”Framtida er så ljos at eg må ta på skylappane”.
13.45. Lunch.
14.45. Anders Fagerjord, stipendiat UiO: ”Retoriske strategier i digitale medier”.
15.30. Jon Peder Vestad, stipendiat HVO: ”Presentasjonsformer og språk i den ”streama” samtida”.
16.45. Pause.
17.15. Nils Heldal, kanalsjef NRK P3: ”Programmering i P3”.
18.00. Slutt
20.00. Middag.
 

Fredag 3. november:

9.00.   Kaffi.
9.30.   Alex Iversen, medieforskar: ”Big brother is watching you. Reality-tv på nettet”.
10.15. Clifford Rowe, professor of communications, Pacific Lutheran University, Tacoma USA: ”Geeks. New voices, old values”.
11.00. Svein Brurås, amanuensis ved HVO: ”Journalistiske ideal under press”.
11.45. Lunch.
12.45. Arne Krumsvik, nettredaktør i Dagbladet: ”Strategi og struktur i omstillinga til digital røyndom".
13.30. Tanja Storsul, stipendiat UiO: ”Konvergens, konsentrasjon og konkurranse. Mediepolitiske utfordringer”.
14.15. Rolf Brandrud, NRK: ”Digitalisering og mediesammensmeltning. Hvordan forandrer dette kringkastingsmediet – og hvordan vil NRK utnytte de nye mulighetene?”.
15.00. Paneldebatt med Arne Krumsvik, Tanja Storsul, Jan Zahl og Rolf Brandrud: ”Breiband – ein medierevolusjon?”
16.00. Slutt.

Fly til Bergen og Oslo frå Ørsta/Volda lufthamn Hovden går kl. 17.30. Programmet er lagt ut 4. 10. 2000, og kan endrast noko.