Velkomen til biblioteket

Biblioteket vil ære vinnaren av den beste nynorskboka i 2009 (kåra av Dag og Tids lesarar) - songdetektiven Terje Aarset. Vi stiller ut eit utval av avisutklipp og bokmeldingar om "Den nynorske songskatten", i tillegg til eit lite utval av andre songbøker forfattaren har vore delaktig i. Gratulerer!

Gjennom den nasjonale avtalen med Helsebiblioteket har vi fått gratis tilgang til oppslagsverket BMJ Best Practice. Dette er eit medisinsk og helsefagleg oppslagsverk for primær- og spesialisthelsetenesta. Oppslagsverket inneheld informasjon om m.a. diagnosar, prognosar, behandling og førebygging. Best Practice vert utforma av spesialistar og tek inn påliteleg kunnskap frå oppdatert forsking.

Gjennom den nasjonale avtalen med Helsebiblioteket har vi tilgang til ei rekkje ulike tidsskrift. Eit av desse tidsskrifta er The Economist. Her kan du mellom anna lese handelsanalysar eller få innsikt i internasjonale nyhende, politikk, finans eller vitskap og teknologi, så vel som kulturelle trendar og industri.